Verse 1
ओमित्येतदक्षरमिदं सर्वं तस्योपव्याख्यानं भूतं भवद् भविष्यदिति सर्वमोङ्कार एव। यच्चान्यत् त्रिकालातीतं तदप्योङ्कार एव ॥
omityetadakṣaramidaṃ sarvaṃ tasyopavyākhyānaṃ bhūtaṃ bhavad bhaviṣyaditi sarvamoṅkāra eva। yaccānyat trikālātītaṃ tadapyoṅkāra eva ॥
1 Om! This syllable is all this. A clear explanation of it is: all that is past, present and future is indeed Om. And whatever is beyond the three periods of time is also indeed Om.
Verse 2
सर्वं ह्येतद् ब्रह्म अयमात्मा ब्रह्म सोऽयमात्मा चतुष्पात् ॥
sarvaṃ hyetad brahma ayamātmā brahma so'yamātmā catuṣpāt ॥
2 All this is indeed Brahman. This Atman is Brahman. This same Atman has four quarters.
Verse 3
जागरितस्थानो बहिःप्रज्ञः सप्ताङ्ग एकोनविंशतिमुखः स्थूलभुग् वैश्वानरः प्रथमः पादः ॥
jāgaritasthāno bahiḥprajñaḥ saptāṅga ekonaviṃśatimukhaḥ sthūlabhug vaiśvānaraḥ prathamaḥ pādaḥ ॥
3 The first quarter is Vaishvanara, whose sphere of activity is the waking state, who is conscious of external objects, who has seven limbs and nineteen mouths and who enjoys gross objects.
Verse 4
स्वप्नस्थानोऽन्तःप्रज्ञः सप्ताङ्ग एकोनविंशतिमुखः प्रविविक्तभुक् तैजसो द्वितीयः पादः ॥
svapnasthāno'ntaḥprajñaḥ saptāṅga ekonaviṃśatimukhaḥ praviviktabhuk taijaso dvitīyaḥ pādaḥ ॥
4 The second quarter is Taijasa, whose sphere of activity is the dream state, who is conscious of internal objects, who has seven limbs and nineteen mouths and who enjoys subtle objects.
Verse 5
यत्र सुप्तो न कञ्चन कामं कामयते न कञ्चन स्वप्नं पश्यति तत् सुषुप्तम्। सुषुप्तस्थान एकीभूतः प्रज्ञानघन एवानन्दमयो ह्यानन्दभुक् चेतोमुखः प्राज्ञस्तृतीयः पादः ॥
yatra supto na kañcana kāmaṃ kāmayate na kañcana svapnaṃ paśyati tat suṣuptam। suṣuptasthāna ekībhūtaḥ prajñānaghana evānandamayo hyānandabhuk cetomukhaḥ prājñastṛtīyaḥ pādaḥ ॥
5 That is the state of deep sleep wherein one asleep neither desires any object nor sees any dream. The third quarter is Prajna, whose sphere is deep sleep, in whom all experiences merge into one, who is verily a mass of consciousness, who is full of bliss and enjoys bliss, and who is the door leading to the knowledge of the other two.
Verse 6
एष सर्वेश्वरः एष सर्वज्ञ एषोऽन्तर्याम्येष योनिः सर्वस्य प्रभवाप्ययौ हि भूतानाम् ॥
eṣa sarveśvaraḥ eṣa sarvajña eṣo'ntaryāmyeṣa yoniḥ sarvasya prabhavāpyayau hi bhūtānām ॥
6 This is the Lord of all. This is the knower of all. This is the inner controller. This is the source of all; for this is the origin and the end of all beings.
Verse 7
नान्तःप्रज्ञं न बहिष्प्रज्ञं नोभयतःप्रज्ञं न प्रज्ञानघनं न प्रज्ञं नाप्रज्ञम्। अदृष्टमव्यवहार्यमग्राह्यमलक्षणमचिन्त्यमव्यपदेश्यमेकात्मप्रत्ययसारं प्रपञ्चोपशमं शान्तं शिवमद्वैतं चतुर्थं मन्यन्ते स आत्मा स विज्ञेयः ॥
nāntaḥprajñaṃ na bahiṣprajñaṃ nobhayataḥprajñaṃ na prajñānaghanaṃ na prajñaṃ nāprajñam। adṛṣṭamavyavahāryamagrāhyamalakṣaṇamacintymavyapadeśyamekātmapratyayasāraṃ prapañcopaśamaṃ śāntaṃ śivamadvaitaṃ caturthaṃ manyante sa ātmā sa vijñeyaḥ ॥
7 They consider the Fourth to be that which is not conscious of the internal world, nor conscious of the external world, nor conscious of both the worlds, nor a mass of consciousness, nor conscious, nor unconscious; which is unseen, beyond empirical dealings, beyond the grasp of the organs of action, uninferable, unthinkable, indescribable; the essence of the consciousness of the one Self, the cessation of all phenomena; the peaceful, the blissful, the non-dual. That is the Atman and that is to be known.
Verse 8
सोऽयमात्माध्यक्षरमोङ्कारोऽधिमात्रं पादा मात्रा मात्राश्च पादा अकार उकारो मकार इति ॥
so'yamātmādhyakṣaramoṅkāro'dhimātraṃ pādā mātrā mātrāśca pādā akāra ukāro makāra iti ॥
8 This Atman is indicated by Om, viewed through the mātrās (letters). The quarters (of the Atman) are the mātrās and the mātrās are the quarters, namely, the letter A, the letter U and the letter M.
Verse 9
जागरितस्थानो वैश्वानरोऽकारः प्रथमा मात्रा। आप्तेरादिमत्वाद् वा आप्नोति ह वै सर्वान् कामानादिश्च भवति य एवं वेद ॥
jāgaritasthāno vaiśvānaro'kāraḥ prathamā mātrā। āpterādimatvād vā āpnoti ha vai sarvān kāmānādiśca bhavati ya evaṃ veda ॥
9 Vaishvanara, whose sphere is the waking state, is the first letter A, on account of its all-pervasiveness or on account of being the first. He who knows this obtains all desires and becomes the first among the great.
Verse 10
स्वप्नस्थानस्तैजस उकारो द्वितीया मात्रा उत्कर्षादुभयत्वाद् वा उत्कर्षति ह वै ज्ञानसन्ततिं समानश्च भवति नास्याब्रह्मवित् कुले भवति य एवं वेद ॥
svapnasthānastaijasa ukāro dvitīyā mātrā utkarṣādubhayatvād vā utkarṣati ha vai jñānasantatiṃ samānaśca bhavati nāsyābrahmavit kule bhavati ya evaṃ veda ॥
10 Taijasa, whose sphere is the dream state, is the second letter U, on account of its superiority or intermediate position. He who knows this attains a higher knowledge, receives equal treatment from all and finds in his family no one who is not a knower of Brahman.
Verse 11
सुषुप्तस्थानः प्राज्ञो मकारस्तृतीया मात्रा मितेरपीतेर्वा मिनोति ह वा इदं सर्वमपीतिश्च भवति य एवं वेद ॥
suṣuptasthānaḥ prājño makārastṛtīyā mātrā miterapītervā minoti ha vā idaṃ sarvamapītiśca bhavati ya evaṃ veda ॥
11 Prajna, whose sphere is deep sleep, is the third letter M, on account of its being the measure or that into which all become merged. He who knows this is able to measure all and also comprehends all within himself.
Verse 12
अमात्रश्चतुर्थोऽव्यवहार्यः प्रपञ्चोपशमः शिवोऽद्वैत एवमोङ्कार आत्मैव संविशत्यात्मनात्मानं य एवं वेद य एवं वेद ॥
amātraścaturtho'vyavahāryaḥ prapañcopaśamaḥ śivo'dvaita evamoṅkāra ātmaiva saṃviśatyātmanātmānaṃ ya evaṃ veda ya evaṃ veda ॥
12 The Fourth is without parts and without relationship; it is the cessation of phenomena; it is all good and non-dual. This Om is verily Atman. He who knows this merges his self in the Self — yea, he who knows this.