(Chapter 10)
उदयास्तविधिः प्राग्वत् कर्तव्यः शीतगोरपि | भागैर्द्वादशभिः पश्चाद् दृश्यः प्राग् यात्यदृश्यताम् १
udayāstaviddhiḥ prāgvat kartavyaḥ śītagorapi | bhāgaird vādaśabhiḥ paścād dṛśyaḥ prāg yātyadṛśyatām 1
रवीन्द्वोः षड्भयुतयोः प्राग्वल्लग्नान्तरासवः | एकराशौ रवीन्द्रोश्च कार्या विवरलिप्तिकाः २
ravīndvoḥ ṣaḍbhayutayoḥ prāgvallagnāntarāsavaḥ | ekarāśau ravīndrośca kāryā vivaraliptikāḥ 2
तन्नाडिकाहते भुक्ती रवीन्द्रोः षष्टिभाजिते | तत्फलान्वितयोर्भूयः कर्तव्या विवरासवः ३
tannāḍikāhate bhuktī ravīndroḥ ṣaṣṭibhājite | tatphalānvitayorbhūyaḥ kartavyā vivarāsavaḥ 3
एवं यावत् स्थिरीभूता रवीन्द्वोरन्तरासवः | तैः प्राणैरस्तमेतीन्दुः शुक्लेऽर्कास्तमयात् परम् ४
evaṃ yāvat sthirībhūtā ravīndvorantarāsavaḥ | taiḥ prāṇairastametīnduḥ śukle'rkāstamayāt param || 4
भगणार्धं रवेर्दत्वा कार्यास्तद्विवरासवः | तैः प्राणैः कृष्णपक्षे तु शीतांशुरुदयं व्रजेत् ५
bhagaṇārdhaṃ raverdatvā kāryāstadvivarāsavaḥ | taiḥ prāṇaiḥ kṛṣṇapakṣe tu śītāṃśurudayaṃ vrajet
अर्केन्द्रोः क्रान्तिविश्लेषो दिक्साम्ये युतिरन्यथा | तज्ज्येन्दुरर्काद्यत्रासौ विज्ञेया दक्षिणोत्तरा ६
arkendroḥ krāntiviśleṣo diksāmye yutiranyathā | tajjyendurarkādyatrāsau vijñeyā dakṣiṇottarā
मध्याह्नेन्दुप्रभाकर्णसंङ्गणा यदि सोत्तरा | तदाऽर्कघ्नाक्षजीवायां शोध्या योज्या च दक्षिणा ७
madhyāhnendhuprabhākarṇasaṅgaṇā yadi sottarā | tadārkaghna-akṣajīvāyāṁ śodhyā yojyā ca dakṣiṇā ||7||
शेषं लम्बज्यया भक्तं लब्धो बाहुः स्वदिङ्गुखः | कोटिः शङ्कस्तयोर्वर्गयुतेर्मूलं श्रुतिर्भवेत् ८
śeṣaṃ lambajyayā bhaktaṃ labdho bāhuḥ svadiṅmukhaḥ | koṭiḥ śaṅkas-tayor-vargayuter-mūlaṃ śrutir-bhavet ||
सूर्योनशीतगोर्लिप्ताः शुक्लं नवशतोद्धृताः | चन्द्रबिम्बाङ्गुलाभ्यस्तं हृतं द्वादशभिः स्फुटम् ६
sūryonaśītagorliptāḥ śuklaṃ navaśatoddhṛtāḥ | candrabimbāṅgulābhyastaṃ hṛtaṃ dvādaśabhiḥ sphuṭam ||
दत्वाऽर्कसंञ्जितं बिन्दु ततो बाहं स्वदिङ्गुखम् | ततः पश्चान्मुखीं कोटिं कर्णं कोट्यग्रमध्यगम् १०
datvā'rkasañjitaṃ bindu tato bāhaṃ svadiṅgukham | tataḥ paścānmukhīṃ koṭiṃ karṇaṃ koṭyagramadhyagam
कोटिकर्णयुताद्विन्दोर्बिम्बं तात्कालिकं लिखेत् | कर्णसूत्रेण दिक्सिद्धिं प्रथमं परिकल्पयेत् ११
koṭikarṇayutādvindor bimbaṃ tātkālikaṃ likhet | karṇasūtreṇa diksiddhiṃ prathamaṃ parikalpayet
शुक्लं कर्णेन तद्विम्बयोगादन्तर्मुखं नयेत् | शुक्लाग्रयाम्योत्तरयोर्मध्ये मत्स्यौ प्रसाधयेत् १२
śuklaṃ karṇena tad-bimbayogād antar-mukhaṃ nayet | śuklāgra-yāmyottarayoḥ madhye matsyau prasādhayet || 12 ||
तन्मध्यसूत्रसंयोगाद् बिन्दुत्रिस्पृग् लिखेद्धनुः | प्राग् बिम्बं यादृगेव स्यात् तादृक् तत्र दिने शशी १३
tanmadhyasūtrasaṃyogād bindutrispṛg likheddhanuḥ | prāg bimbaṃ yādṛgeva syāt tādṛk tatra dine śaśī 13
कोट्या दिक्साधनात् तिर्यक् सूत्रान्ते शृङ्गमुन्नतम् | दर्शयेदुन्नतां कोटिं कृत्वा चन्द्रस्य साऽऽकृतिः १४
koṭyā diksādhanāt tiryak sūtrānte śṛṅgamunnatam | darśayedunnatāṁ koṭiṁ kṛtvā candrasya sā''kṛtiḥ ||14||
कृष्णे षड्भयुतं सूर्यं विशोध्येन्दोस्तथाऽसितम् | दद्याद् वामं भुजं तत्र पश्चिमं मण्डलं विधोः १५
kṛṣṇe ṣaḍbhayutaṃ sūryaṃ viśodhya indoḥ tathā'sitam | dadyād vāmaṃ bhujaṃ tatra paścimaṃ maṇḍalaṃ vidhoḥ 15
