Atharvashikha Upanishad

ॐ अथ हैनं पैप्पलादोऽङ्गिराः सनत्कुमारश्चाथर्वणमुवाच भगवन् किमादौ प्रयुक्तं ध्यानं ध्यायितव्यं किं तद्ध्यानं को वा ध्याता कश्च ध्येयः । स एभ्योथर्वा प्रत्युवाच ।

om atha hainam paippalaado’ngiraah sanat-kumaarashcha atharvanam uvaacha bhagavan kimaadau prayuktam dhyaanam dhyaayitavyam kim taddhyaanam ko vaa dhyaataa kashcha dhyeyah . sa ebhyotharvaa pratyuvaacha .

ओमित्येतदक्षरमादौ प्रयुक्तं ध्यानं ध्यायितव्यमित्येतदक्षरं परं ब्रह्मास्य पादाश्चत्वारो वेदाश्चतुष्पादिदमक्षरं परं ब्रह्म ।

om ityetad aksharam aadau prayuktam dhyaanam dhyaayitavyam ityetad aksharam param brahma asya paadaashchatvaaro vedaashchatushpaad idam aksharam param brahma .

पूर्वास्य मात्रा पृथिव्यकारः ऋग्भिरृग्वेदो ब्रह्मा वसवो गायत्री गार्हपत्यः । प्रथमा रक्तपीता महद्ब्रह्म दैवत्या ।

poorvaasya maatraa prithivyakaarah rigbhir-rigvedo brahmaa vasavo gaayatree gaarhapatyah . prathamaa raktapeetaa mahadbrahma daivatyaa .

द्वितीयान्तरिक्षं स उकारः स यजुभिर्यजुर्वेदो विष्णुरुद्रास्त्रिष्टुब्दक्षिणाग्निः । द्वितीया विद्युमती कृष्णा विष्णुदैवत्या ।

dviteeyaantariksham sa ukaarah sa yajubhir-yajurvedo vishnu-rudraas-trishtub-dakshinaagnih . dviteeyaa vidyumatee krishnaa vishnudaivatyaa .

तृतीयः द्यौः स मकारः स सामभिः सामवेदो रुद्रा आदित्या जगत्याहवनीयः । तृतीया शुभाशुभा शुक्ला रुद्रदैवत्या ।

triteeyah dyauh sa makaarah sa saamabhih saamavedo rudraa aadityaa jagatyaahavaneeyah . triteeyaa shubhaashubhaa shuklaa rudradaivatyaa .

यावसानेऽस्य चतुर्थ्यर्धमात्रा सा सोमलोक ओङ्कारः साथर्वणमन्त्रैरथर्ववेदः संवर्तकोऽग्निर्मरुतो विराडेकर्षिर्भास्वती स्मृता । सा विद्युमती सर्ववर्णा पुरुषदैवत्या ।

yaavasaanesya chaturthyardhamaatraa saa somaloka onkaarah saatharvanamantrair-atharvavedah samvartako’gnir-maruto viraad-ekarshir-bhaasvatee smritaa . saa vidyumatee sarvavarnaa purushadaivatyaa .

स एष ऊर्ध्वमन्नमयतीत्योङ्कारः । प्राणान्सर्वान्प्रलीयत इति प्रलयः । प्राणान्सर्वान्परमात्मनि प्रणामयतीत्येतस्मात्प्रणवः ।

sa esha oordhvam annam ayateetyonkaarah . praanaan sarvaan praleeyata iti pralaya . praanaan sarvaan paramaatmani pranaamayateetyetasmaat pranavah .

देवाश्चेति संधत्तां सर्वेभ्यो दुःखभयेभ्यः संतारयतीति तारणात्तारः । सर्वे देवाः संविशन्तीति विष्णुः । सर्वाणि बृहयतीति ब्रह्मा ।

devaashcheti samdhattaam sarvebhyo duhkhabhayebhyah samtaarayateeti taaranaat taarah . sarve devaah samvishanteeti vishnuh . sarvaani brihayateeti brahmaa .

सर्वेभ्योऽन्तस्थानेभ्यो ध्येयेभ्यः प्रदीपवत्प्रकाशयतीति प्रकाशः । ... सर्वान् लोकान् व्याप्नोति व्यापयतीति व्यापनाद्व्यापी महादेवः ॥ २॥

sarvebhyo’ntasthaanebhyo dhyeyebhyah pradeepavat prakaashayateeti prakaashah ... sarvaan lokaan vyaapnoti vyaapayateeti vyaapanaad vyaapee mahaadevah .. 2..

पूर्वास्य मात्रा जागर्ति जागरितं द्वितीया स्वप्नं तृतीया सुषुप्तिश्चतुर्थी तुरीयं ... एतस्माद्ध्यानादौ प्रयुज्यते । सर्व करणोपसंहारत्वाद्धार्यधारणाद्ब्रह्म तुरीयम् ।

poorvaasya maatraa jaagarti jaagaritam dviteeyaa svapnam triteeyaa sushuptish-chaturthee tureeyam ... etasmaad dhyaanaadau prayujyate . sarva karanopasamhaaratvaad dhaaryadhaaranaad brahma tureeyam .

सर्वकरणानि मनसि सम्प्रतिष्ठाप्य ध्यानं विष्णुः प्राणं मनसि सह करणैः सम्प्रतिष्ठाप्य ध्याता रुद्रः प्राणं मनसि सहकरणैर्नादान्ते परमात्मनि सम्प्रतिष्ठाप्य ध्यायीतेशानं ...

sarvakaranani manasi sampratishthaapya dhyaanam vishnuh praanam manasi saha karanaih sampratishthaapya dhyaataa rudrah praanam manasi sahakaranair-naadaante paramaatmani sampratishthaapya dhyaayeeteshaanam ...

सर्वैश्वर्यसम्पन्नः शंभुराकाशमध्ये ध्रुवं स्तब्ध्वाधिकं क्षणमेकं ... शिव एको ध्येयः शिवंकरः सर्वमन्यत्परित्यज्य ...

sarvaishvaryasampannah shambhuraakaashamadhye dhruvam stabdhvaadhikam kshanamekam ... shiva eko dhyeyah shivankarah sarvamanyat parityajya ...

एतामधीत्य द्विजो गर्भवासाद्विमुक्तो विमुच्यत इत्यो ꣳसत्यमित्युपनिषत् ॥ ३॥

etaamadheetya dvijo garbhavaasaad vimukto vimuchyata ityomsatyamityupanishat .. 3..