The Yoga of the Shaivi Gateway

तत्त्वतो न नवात्मासौ शब्दराशिर् न भैरवः। न चासौ त्रिशिरा देवो न च शक्तित्रयात्मकः॥ ११॥

tattvato na navātmāsau śabda rāśir na bhairavaḥ | na cāsau triśirā devo na ca śakti trayātmakaḥ || 11 ||

नादबिन्दुमयो वापि न चन्द्रार्धनिरोधिकाः। न चक्रक्रमसम्भिन्नो न च शक्तिस्वरूपकः॥ १२॥

nāda bindu mayo vāpi na candrārdha nirodhikāḥ | na cakra krama sambhinno na ca śakti svarūpakaḥ || 12 ||

अप्रबुद्धमतीनां हि एता बलविभीषिकाः। मातृमोदकवत्सर्वं प्रवृत्त्यर्थम् उदाहृतम्॥ १३॥

aprabuddha matīnāṁhi etā bala vibhīṣikāḥ | mātṛmodakavat sarvaṁpravṛtty artham udāhṛtam || 13 ||

दिक्कालकलनोन्मुक्ता देशोद्देशाविशेषिनी। व्यपदेष्टुमशक्यासाव् अकथ्या परमार्थतः॥ १४॥

dik kāla kalanonmuktā deśoddeśā viśeṣinī | vyapadeṣṭum aśakyāsāv akathyā paramārthataḥ || 14 ||

अन्तःस्वानुभवानन्दा विकल्पोन्मुक्तगोचरा। यावस्था भरिताकारा भैरवी भैरवात्मनः॥ १५॥

antaḥsvānubhavānandā vikalponmukta gocarā | yāvasthā bharitākārā bhairavī bhairavātmanaḥ || 15 ||

तद् वपुस् तत्त्वतो ज्ञेयं विमलं विश्वपूरणम्। एवंविधे परे तत्त्वे कः पूज्यः कश्च तृप्यति॥ १६॥

tad vapus tattvato jñeyaṁvimalaṁviśva pūraṇam | evaṁvidhe pare tattve kaḥpūjyaḥkaśca tṛpyati || 16 ||

एवंविधा भैरवस्य यावस्था परिगीयते। सा परा पररूपेण परा देवी प्रकीर्तिता॥ १७॥

evaṁvidhā bhairavasya yāvasthā parigīyate | sā parā pararūpeṇa parā devī prakīrtitā || 17 ||

शक्तिशक्तिमतोर् यद्वद् अभेदः सर्वदा स्थितः। अतस् तद्धर्मधर्मित्वात्परा शक्तिः परात्मनः॥ १८॥

śakti śaktimator yadvad abhedaḥsarvadā sthitaḥ | atas tad dharma dharmitvāt parā śaktiḥparātmanaḥ || 18 ||

न वह्नेर् दाहिका शक्तिर् व्यतिरिक्ता विभाव्यते। केवलं ज्ञानसत्तायाम् प्रारम्भोऽयम् प्रवेशने॥ १९॥

na vahner dāhikā śaktir vyatiriktā vibhāvyate | kevalaṁjñāna sattāyām prārambho'yam praveśane || 19 ||

शक्त्यवस्थाप्रविष्टस्य निर्विभागेन भावना। तदासौ शिवरूपी स्यात्शैवी मुखम् इहोच्यते॥ २०॥

śakty avasthā praviṣṭasya nirvibhāgena bhāvanā | tad āsau śiva rūpī syāt śaivī mukham ihocyate || 20 ||