Ritual Preliminaries & Horary Rules ( Pūjana & Praśna-vidhi)
(Chapter 1)
पूजन-प्रश्नविधिः — Chapter 1: Ritual Preliminaries & Horary Rules ( Pūjana & Praśna-vidhi)
श्रीगणेशाय नमः शुक्लाम्बरधरं विष्णुं शशिवर्णं चतुर्भुजम् । प्रसन्नवदनं ध्यायेत्सर्वविघ्नोपशान्तये ॥ १ ॥
śrīgaṇeśāya namaḥ śuklāmbaradharaṃ viṣṇuṃ śaśivarṇaṃ caturbhujam | prasannavadanaṃ dhyāyetsarvavighnopaśāntaye || 1 ||
Salutations to Śrī Gaṇeśa. For the pacification of all obstacles, one should meditate upon Viṣṇu, who wears white garments, whose complexion is like the moon, who has four arms, and whose face is serene.
अथ प्रश्नविधिः रविवारे च संक्रान्तौ शुभयोगे यथाविधि । वैधृतौ च व्यतीपाते विप्राणां च गृहे तथा ॥ २ ॥
atha praśnavidhiḥ ravivāre ca saṃkrāntau śubhayoge yathāvidhi | vaidhṛtau ca vyatīpāte viprāṇāṃ ca gṛhe tathā || 2 ||
Now, the method of inquiry (Praśna-vidhi). On a Sunday, during a Saṅkrānti, in an auspicious Yoga, according to the prescribed method, and similarly during Vaidhṛti and Vyatīpāta Yogas, and in the homes of Brāhmaṇas.
देवतायतने चैव नद्यां वै सङ्गमोत्तमे । अथवा स्वगृहे चैव शुभे स्थाने विशेषतः ॥ ३ ॥
devatāyatane caiva nadyāṃ vai saṅgamottame | athavā svagṛhe caiva śubhe sthāne viśeṣataḥ || 3 ||
And especially in a temple, or at an excellent confluence of rivers, or in one's own home, or in any auspicious place.
स्नानं समाचरेद्रोगी मृतपुत्रः सपुत्रकः । कर्मणा पीडितो योऽसौ नारी वा पुरुषोऽथवा ॥ ४ ॥
snānaṃ samācaredrogī mṛtaputraḥ saputrakaḥ | karmaṇā pīḍito yo'sau nārī vā puruṣo'thavā || 4 ||
A sick person, one whose children have died, one who has children, or any man or woman afflicted by their past actions, should perform a ritual bath.
धात्री फलानि लोध्रं च गोमयं तिलसर्षपान् । मृत्तिकाः सप्त कर्पूरमुशीरं मुस्तसंयुतम् ॥ ५ ॥
dhātrī phalāni lodhraṃ ca gomayaṃ tilasarṣapān | mṛttikāḥ sapta karpūramuśīraṃ mustasaṃyutam || 5 ||
Emblic myrobalan fruits (Dhātrī), Lodhra, cow dung, sesame seeds, mustard seeds, earth from seven places, camphor, Uśīra (Vetiver), combined with Musta (Nutgrass).
औषधैस्समभागैस्तु स्नानं कुर्यात्प्रयत्नतः । देवान्पितृंश्च संतर्प्य दत्त्वा सूर्य्यार्घ्यमेव च ॥ ६ ॥
auṣadhaissamabhāgaistu snānaṃ kuryātprayatnataḥ | devānpitṛṃśca saṃtarpya dattvā sūryyārghyameva ca || 6 ||
With these medicinal substances in equal parts, one should carefully perform a bath. Having propitiated the Devas and Pitṛs, one should then offer Arghya to Sūrya.
एवं सर्वविधिं कृत्वा संकल्पं कारयेत्ततः । अद्येहेत्यादि प्राचीनसंचितकर्मविलोकनार्थं मनःकामनासिध्यर्थं विष्णोः पूजनपूर्वकं कर्म्मविपाकपुस्तकपूजनमहं करिष्ये ॥ अङ्गन्यासपूर्वकं षोडशोपचारपूजासंकल्पः वैश्वदेवं श्राद्धं च अत्रान्तरे देहशुध्यर्थं पुरश्चरणाङ्गत्वेन गोमिथुनदानव्रतं कुम्भदानं च प्रजापतिसंतुष्टये षोडशब्राह्मणान्भोजयेत् ॥
evaṃ sarvavidhiṃ kṛtvā saṃkalpaṃ kārayettataḥ | adyehetyādi prācīnasaṃcitakarmavilokanārthaṃ manaḥkāmanāsidhyarthaṃ viṣṇoḥ pūjanapūrvakaṃ karmmavipākapustakapūjanamahaṃ kariṣye || aṅganyāsapūrvakaṃ ṣoḍaśopacārapūjāsaṃkalpaḥ vaiśvadevaṃ śrāddhaṃ ca atrāntare dehaśudhyarthaṃ puraścaraṇāṅgatvena gomithunadānavrataṃ kumbhadānaṃ ca prajāpatisaṃtuṣṭaye ṣoḍaśabrāhmaṇānbhojayet ||
Having performed all these rites, one should then make a Saṅkalpa (vow): 'Today, here, for the purpose of discerning accumulated past actions, and for the fulfillment of mental desires, I shall perform the worship of Viṣṇu, followed by the worship of the Karma Vipāka text.' This is followed by the Saṅkalpa for the sixteen-fold worship (Ṣoḍaśopacāra Pūjā) with Aṅganyāsa, and the performance of Vaiśvadeva and Śrāddha. Thereafter, for the purification of the body, as part of the Purascaraṇa, one should observe the vow of donating a pair of cows (gomithuna) and donate pots (kumbha-dāna). For the satisfaction of Prajāpati, one should feed sixteen Brāhmaṇas.
ब्राह्मण त्वं महाभाग भूमिदेव द्विजोत्तम ॥ यथाविधं प्रतिज्ञाय प्राचीनं च शुभाऽशुभम् ॥ ७ ॥
brāhmaṇa tvaṃ mahābhāga bhūmideva dvijottama || yathāvidhaṃ pratijñāya prācīnaṃ ca śubhā'śubham || 7 ||
O Brāhmaṇa, you are greatly fortunate, a deity on earth, the best among twice-born ones! Having truly declared my past auspicious and inauspicious actions, according to the prescribed method,
कथं मे कथयस्वाशु कृपां कृत्वा ममोपरि । एवं तु ब्राह्मणाचार्य्यं नमस्कृत्य प्रसादयेत् ॥ ८ ॥
kathaṃ me kathayasvāśu kṛpāṃ kṛtvā mamopari | evaṃ tu brāhmaṇācāryyaṃ namaskṛtya prasādayet || 8 ||
Please quickly tell me how they are, showing compassion towards me. Thus, one should bow to the Brāhmaṇa-Ācārya and propitiate him.
दश पञ्च तथा विप्रानुपवेश्य प्रयत्नतः । तेषामनुज्ञया सर्वं प्रायश्चित्तमुपक्रमेत् ॥ ९ ॥
daśa pañca tathā viprānupaveśya prayatnataḥ | teṣāmanujñayā sarvaṃ prāyaścittamupakramet || 9 ||
Having carefully seated ten or five Brāhmaṇas, with their permission, one should undertake all the expiatory rites (Prāyaścitta).
प्रजापते महाबाहो वेदवेदाङ्गपारग ! ॥ पुत्रकामसमृद्ध्यर्थं पूजां गृह्णीष्व ते नमः ॥ १० ॥
prajāpate mahābāho vedavedāṅgapāraga ! || putrakāmasamṛddhyarthaṃ pūjāṃ gṛhṇīṣva te namaḥ || 10 ||
O Prajāpati, O mighty-armed one, who has mastered the Vedas and Vedāṅgas! Please accept this worship for the fulfillment of my desire for a son. Salutations to you!
विष्णो त्वं पुण्डरीकाक्ष भुवनानां च पालकः । लक्ष्म्या सह हृषीकेश पूजां गृह्णीष्व ते नमः ॥ ११ ॥
viṣṇo tvaṃ puṇḍarīkākṣa bhuvanānāṃ ca pālakaḥ | lakṣmyā saha hṛṣīkeśa pūjāṃ gṛhṇīṣva te namaḥ || 11 ||
O Viṣṇu, O lotus-eyed one, you are the protector of the worlds! O Hṛṣīkeśa, please accept this worship along with Lakṣmī. Salutations to you!
रुद्र त्वं दैन्यनाशाय सदा भस्माङ्गधारक । नागहारोपवीती च पूजां गृह्णीष्व ते नमः ॥ १२ ॥
rudra tvaṃ dainyanāśāya sadā bhasmāṅgadhāraka | nāgahāropavītī ca pūjāṃ gṛhṇīṣva te namaḥ || 12 ||
O Rudra, you always wear ashes on your limbs for the destruction of misery. You wear a serpent as your sacred thread. Please accept this worship. Salutations to you!
स्वर्गे सुराश्च गन्धर्वाः पाताले पन्नगादयः । मृत्युलोके मनुष्याश्च सर्वे ध्यायन्ति भास्करम् ॥ १३ ॥
svarge surāśca gandharvāḥ pātāle pannagādayaḥ | mṛtyuloke manuṣyāśca sarve dhyāyanti bhāskaram || 13 ||
In Svarga, the Devas and Gandharvas; in Pātāla, the serpents and others; and in Mṛtyuloka, humans—all meditate upon Bhāskara (the Sun).
महायज्ञादिकं चैव अग्निहोत्रादि कर्म च । तीर्थस्नानं तथा ध्यानं वर्तते भास्करोदयात् ॥ १४ ॥
mahāyajñādikaṃ caiva agnihotrādi karma ca | tīrthasnānaṃ tathā dhyānaṃ vartate bhāskarodayāt || 14 ||
Great sacrifices (Mahāyajñas) and other rites, Agnihotra and other rituals, sacred bathing (Tīrthasnāna), and meditation—all these commence with the sunrise.
ब्रह्मा विष्णुः शिवः शक्तिर्देवदेवो मुनीश्वराः । ध्यायन्ति भास्करं देवं साक्षीभूतं जगत्त्रये ॥ १५ ॥
brahmā viṣṇuḥ śivaḥ śaktirdevadevo munīśvarāḥ | dhyāyanti bhāskaraṃ devaṃ sākṣībhūtaṃ jagattraye || 15 ||
Brahmā, Viṣṇu, Śiva, Śakti, the Lord of Devas, and the great sages (Munīśvaras)—all meditate upon the divine Bhāskara, who is the witness of the three worlds.
त्वं ब्रह्मा त्वं च वै विष्णुस्त्वं रुद्रस्त्वं प्रजापतिः । त्वमग्निस्त्वं वषट्कारस्त्वामाहुः सर्वसाक्षिणम् ॥ १६ ॥
tvaṃ brahmā tvaṃ ca vai viṣṇustvaṃ rudrastvaṃ prajāpatiḥ | tvamagnistvaṃ vaṣaṭkārastvāmāhuḥ sarvasākṣiṇam || 16 ||
You are Brahmā, you are indeed Viṣṇu, you are Rudra, you are Prajāpati. You are Agni, you are Vaṣaṭkāra; they call you the witness of all.
योगिनां प्रथमो ध्येयो यतीनां ब्रह्मचारिणाम् । आधिव्याध्योश्च कर्त्ता त्वं सर्वपापक्षयं कुरु ॥ १७ ॥
yogināṃ prathamo dhyeyo yatīnāṃ brahmacāriṇām | ādhivyādhyośca karttā tvaṃ sarvapāpakṣayaṃ kuru || 17 ||
You are the foremost object of meditation for Yogīs, ascetics (Yatīs), and celibate students (Brahmacārīs). You are also the cause of mental and physical ailments (Ādhi-Vyādhi). Please destroy all my sins.
दीनानां कृपणानां च सर्वेषां व्याधिनाशनम् । एवं च भास्करं ध्यात्वा नमस्कृत्य प्रसादयेत् ॥ १८ ॥
dīnānāṃ kṛpaṇānāṃ ca sarveṣāṃ vyādhināśanam | evaṃ ca bhāskaraṃ dhyātvā namaskṛtya prasādayet || 18 ||
He is the destroyer of diseases for all the poor and the distressed. Thus, meditating upon Bhāskara (the Sun God), one should bow down and propitiate Him.
अथ पृच्छकनियमः पापी चैव दुराचारी परनिन्दापरो जनः । ब्रह्महा हेमहारी च सुरापी गुरुतल्पगः ॥ १९ ॥
atha pṛcchakaniyamaḥ pāpī caiva durācārī paranindāparo janaḥ | brahmahā hemahārī ca surāpī gurutalpagaḥ || 19 ||
Now, the rules for the questioner: A person who is sinful, of wicked conduct, engaged in slandering others, a slayer of a Brāhmaṇa, a thief of gold, a drinker of liquor, or one who violates the guru's bed...
स्त्रीहन्ता बालघाती च अगम्यागमनं तथा । एवमादिकपापानि मया वै पूर्वजन्मनि ॥ २० ॥
strīhantā bālaghātī ca agamyāgamanaṃ tathā | evamādikapāpāni mayā vai pūrvajanmani || 20 ||
...a killer of women, a killer of children, or one who has intercourse with an inaccessible woman – such various sins were indeed committed by me in a previous birth.
कृतानि विविधान्येव सर्वाणि मार्ष्टुमर्हसि । शरणं तव संप्राप्तस्त्वं मामुद्धर्त्तुमर्हसि ॥ २१ ॥
kṛtāni vividhānyeva sarvāṇi mārṣṭumarhasi | śaraṇaṃ tava saṃprāptastvaṃ māmuddharttumarhasi || 21 ||
You are capable of absolving all these various sins that I have committed. I have sought refuge in You; You are capable of delivering me.
ममोपरि कृपां कृत्वा कर्म मे कथय प्रभो ! लग्नं तात्कालिकं कृत्वा जन्मपत्रं निरीक्ष्य च ॥ २२ ॥
mamopari kṛpāṃ kṛtvā karma me kathaya prabho ! lagnaṃ tātkālikaṃ kṛtvā janmapatraṃ nirīkṣya ca || 22 ||
O Lord! Having shown compassion towards me, please tell me about my karma. Having cast the instantaneous Lagna (ascendant) and examined the birth chart...
लग्नं ग्रहविचारेण ज्ञातव्यं कर्म मामकम् । ग्रहलग्नविचारेण जानन्ति कर्म पण्डिताः ॥ २३ ॥
lagnaṃ grahavicāreṇa jñātavyaṃ karma māmakam | grahalagnavicāreṇa jānanti karma paṇḍitāḥ || 23 ||
...my karma should be known through the consideration of the Lagna and planets. Indeed, learned scholars know karma through the consideration of planets and Lagna.
सूत उवाच ॥ कैलासशिखरे रम्ये सुखासीनं महेश्वरम् । प्रणम्य पार्वती भक्त्या पप्रच्छ च सदाशिवम् ॥ २४ ॥
sūta uvāca || kailāsaśikhare ramye sukhāsīnaṃ maheśvaram | praṇamya pārvatī bhaktyā papraccha ca sadāśivam || 24 ||
Sūta said: On the beautiful peak of Kailāsa, Pārvatī, having devoutly bowed to Maheśvara, who was seated comfortably, questioned Sadāśiva.
पार्वत्युवाच ॥ देव देव जगन्नाथ भक्तानुग्रहकारक ! लोकोपकारकं प्रश्नं वद मे परमेश्वर ! ॥ २५ ॥
pārvatyuvāca || deva deva jagannātha bhaktānugrahakāraka ! lokopakārakaṃ praśnaṃ vada me parameśvara ! || 25 ||
Pārvatī said: O God of gods, Lord of the universe, bestower of grace upon devotees! O Supreme Lord, please answer my question, which is beneficial to the world!
कलौ च मानवास्तुच्छाः पापमोहसमन्विताः । महामोहग्रहग्रस्ताः पुत्रकन्याविवर्जिताः ॥ २६ ॥
kalau ca mānavāstucchāḥ pāpamohasamanvitāḥ | mahāmohagrahagrastāḥ putrakanyāvivarjitāḥ || 26 ||
And in the Kali Yuga, humans are insignificant, afflicted by sin and delusion, seized by great delusion and planetary afflictions, and devoid of sons and daughters.
कुत्सिता रूपविभ्रष्टा मृतवत्सा नपुंसकाः । नारीणां पुरुषाणां च पूर्वकर्म च यत्प्रभो ॥ २७ ॥
kutsitā rūpavibhraṣṭā mṛtavatsā napuṃsakāḥ | nārīṇāṃ puruṣāṇāṃ ca pūrvakarma ca yatprabho || 27 ||
They are despicable, disfigured, have dead children, and are impotent. O Lord, whatever past karma pertains to such men and women...
तत्सर्वं वद मे स्वामिन् सर्वज्ञोऽसि मतो मम । तच्च श्रुत्वा वचो देव्याः प्रीतिमान् स महेश्वरः ॥ २८ ॥
tatsarvaṃ vada me svāmin sarvajño'si mato mama | tacca śrutvā vaco devyāḥ prītimān sa maheśvaraḥ || 28 ||
...tell me all of that, O Master, for You are omniscient, in my opinion. Hearing those words of the Goddess, Maheśvara became pleased.
प्रहस्य जगतामीशो वल्लभां प्रीतिसंयुताम् । उवाच प्रश्नं तद्गूढं त्रैलोक्ये चापि दुर्लभम् ॥ २९ ॥
prahasya jagatāmīśo vallabhāṃ prītisaṃyutām | uvāca praśnaṃ tadgūḍhaṃ trailokye cāpi durlabham || 29 ||
The Lord of the worlds, smiling, spoke to His beloved, who was filled with affection, the secret answer to that question, which is rare even in the three worlds.
शिव उवाच ॥ शृणु त्वं गिरिजे देवि नृणां कर्म विशेषतः । कथयामि न संदेहो यत्ते मनसि वर्त्तते ॥ ३० ॥
śiva uvāca || śṛṇu tvaṃ girije devi nṛṇāṃ karma viśeṣataḥ | kathayāmi na saṃdeho yatte manasi varttate || 30 ||
Lord Śiva said: O Goddess Girijā, listen carefully to the specific karmas of humans. I shall explain without doubt whatever is in your mind.
मर्त्याः सर्वे जगज्जाताः कर्म कुर्वन्ति सर्वदा । स्वकर्माणि ततो देवि भुज्यन्ते देवमानुषैः ॥ ३१ ॥
martyāḥ sarve jagajjātāḥ karma kurvanti sarvadā | svakarmāṇi tato devi bhujyante devamānuṣaiḥ || 31 ||
O Goddess, all mortals born in this world always perform actions. Thereafter, their own karmas are experienced by gods and humans.
मानवैस्तु विशेषेण सुखदुःखादिकं च यत् । कर्मत्रयं च सर्वेषां तन्मध्ये संचितं च यत् ॥ ३२ ॥
mānavaistu viśeṣeṇa sukhaduḥkhādikaṃ ca yat | karmatrayaṃ ca sarveṣāṃ tanmadhye saṃcitaṃ ca yat || 32 ||
And whatever happiness, sorrow, etc., are experienced especially by humans, and the three types of karma for all beings – among them, whatever is Sañcita karma...
वक्तव्यं नात्र संदेहो यत्कृत्वा फलमाप्नुयात् । प्रारब्धं विस्तरं कर्म वर्त्तमानं च दृश्यते ॥ ३३ ॥
vaktavyaṃ nātra saṃdeho yatkṛtvā phalamāpnuyāt | prārabdhaṃ vistaraṃ karma varttamānaṃ ca dṛśyate || 33 ||
...that should be explained, there is no doubt, by performing which one attains the fruit. Prārabdha karma is extensive and is seen in the present.
अश्विन्यादिकनक्षत्रे सर्वेषां जन्म जायते । तदादिपादभेदेन ज्ञातव्यं च शुभाशुभम् ॥ ३४ ॥
aśvinyādikanakṣatre sarveṣāṃ janma jāyate | tadādipādabhedena jñātavyaṃ ca śubhāśubham || 34 ||
The birth of all beings occurs in the Nakṣatras beginning with Aśvinī. Through the divisions of their Pādas (quarters), the auspicious and inauspicious results should be known.
Key Takeaways & AI Summary
This chapter explores the profound teachings of Ritual Preliminaries & Horary Rules ( Pūjana & Praśna-vidhi). It includes 35 verses detailing core themes like "śrīgaṇeśāya namaḥ śuklāmbaradharaṃ viṣṇuṃ śaśivarṇaṃ caturbhujam | prasannavadanaṃ dhyāyetsarvavighnopaśāntaye || 1 ||", "atha praśnavidhiḥ ravivāre ca saṃkrāntau śubhayoge yathāvidhi | vaidhṛtau ca vyatīpāte viprāṇāṃ ca gṛhe tathā || 2 ||", "devatāyatane caiva nadyāṃ vai saṅgamottame | athavā svagṛhe caiva śubhe sthāne viśeṣataḥ || 3 ||".The classical Sanskrit treatise on karmic ripening (Karma Vipāka), Jyotiṣa Nakṣatra-pada diagnostics, and Vedic–Purāṇic atonements (Prāyaścitta) — presented as a dialogue between Lord Śiva and Goddess Pārvatī.