Verse 1
रुद्रशक्तिसमावेशस् तत्क्षेत्रम् भावना परा। अन्यथा तस्य तत्त्वस्य का पूजा काश्च तृप्यति॥ १५१॥
rudra śakti samāveśas tat kṣetram bhāvanā parā | anyathā tasya tattvasya kā pūjā kāś ca tṛpyati || 151 ||
Verse 2
स्वतन्त्रानन्दचिन्मात्रसारः स्वात्मा हि सर्वतः। आवेशनं तत्स्वरूपे स्वात्मनः स्नानम् ईरितम्॥ १५२॥
svatantrānanda cin mātra sāraḥsvātmā hi sarvataḥ | āveśanaṁtat svarūpe svātmanaḥsnānam īritam || 152 ||
Verse 3
यैर् एव पूज्यते द्रव्यैस् तर्प्यते वा परापरः। यश्चैव पूजकः सर्वः स एवैकः क्व पूजनम्॥ १५३॥
yair eva pūjyate dravyais tarpyate vā parāparaḥ | yaś caiva pūjakaḥsarvaḥsa evaikaḥkva pūjanam || 153 ||
Verse 4
व्रजेत्प्राणो विशेज् जीव इच्चया कुटिलाकृतिः। दीर्घात्मा सा महादेवी परक्षेत्रम् परापरा॥ १५४॥
vrajet prāṇo viśej jīva icchayā kuṭilā kṛtiḥ | dīrghātmā sā mahā devī para kṣetram parāparā || 154 ||
Verse 5
अस्यामनुचरन् तिष्ठन् महानन्दमयेऽध्वरे। तया देव्या समाविष्टः परम् भैरवमाप्नुयात्॥ १५५॥
asyām anucaran tiṣṭhan mahānanda maye 'dhvare | tayā devyā samāviṣṭaḥparam bhairavam āpnuyāt || 155 ||
Verse 6
षट्शतानि दिवा रात्रौ सहस्राण्येकविंशतिः। जपो देव्याः समुद्दिष्टः सुलभो दुर्लभो जडैः॥ १५६॥ वरितिन् सकारेण बहिर्याति हकारेण विषेत् पुनः। हंसहंसेत्यमुं मन्त्रं जीवो जपति नित्यशः॥१५६॥
ṣaṭśatāni divā rātrau sahasrāṇyekaviṁśatiḥ | japo devyāḥ samuddiṣṭaḥ sulabho durlabho jaḍaiḥ || 156 ||
Verse 7
इत्येतत्कथितं देवि परमामृतम् उत्तमम्। एतच् च नैव कस्यापि प्रकाश्यं तु कदाचन॥ १५७॥
ity etat kathitaṁdevi paramāmṛtam uttamam | etac ca naiva kasyāpi prakāśyaṁtu kadācana || 157 ||
Verse 8
परशिष्ये खले क्रूरे अभक्ते गुरुपादयोः। निर्विकल्पमतीनां तु वीराणाम् उन्नतात्मनाम्॥ १५८॥
para śiṣye khale krūre abhakte guru pādayoḥ | nirvikalpa matīnāṁtu vīrāṇām unnatātmanām || 158 ||
Verse 9
भक्तानां गुरुवर्गस्य दातव्यं निर्विशङ्कया। ग्रामो राज्यम् पुरं देशः पुत्रदारकुटुम्बकम्॥ १५९॥
bhaktānāṃ guruvargasya dātavyaṃ nirviśaṅkayā | grāmo rājyam puraṃ deśaḥ putradārakuṭumbakam || 159 ||
Verse 10
सर्वम् एतत्परित्यज्य ग्राह्यम् एतन् मृगेक्षणे। किम् एभिर् अस्थिरैर् देवि स्थिरम् परम् इदं धनम्। प्राणा अपि प्रदातव्या न देयं परमामृतम्॥ १६०॥
sarvam etat parityajya grāhyam etan mṛgekṣaṇe | kim ebhir asthirair devi sthiram param idaṁdhanam | prāṇā api pradātavyā na deyaṁparamāmṛtam || 160 ||