Bhikshu Upanishad, Verse 5
Bhikshu Upanishad (bhikṣukopaniṣad)
Verse 5
अथ परमहंसा नाम संवर्तकारुणिश्वेतकेतुजडभरतदत्तात्रेयशुकवामदेवहारीतक-प्रभृतयोऽष्टौ ग्रासांश्चरन्तो योगमार्गे मोक्षमेव प्रार्थयन्ते । वृक्षमूले शुन्यगृहे श्मशानवासिनो वा साम्बरा वा दिगम्बरा वा । न तेषां धर्माधर्मौ लाभालाभौ शुद्धाशुद्धौ द्वैतवर्जिता समलोष्टाश्म-काञ्चनाः सर्ववर्णेषु भैक्षाचरणं कृत्वा सर्वत्रात्मैवेति पश्यन्ति । अथ जातरूपधरा निर्द्वन्द्वा निष्परिग्रहाः शुक्लध्यानपरायणा आत्मनिष्ठाः प्राणसंधारणार्थं यथोक्तकाले भैक्षमाचरन्तः । शून्यागारदेवगृहतृणकूट वल्मीकवृक्षमूलकुलालशालाग्निहोत्रशालानदीपुलिनगिरिकन्दर-कुहरकोटरनिर्झरस्थण्डिले तत्र ब्रह्ममार्गे सम्यक्संपन्नाः शुद्धमानसाः परमहंसाचरणेन संन्यासेन देहत्यागं कुर्वन्ति ते परमहंसा नामेत्युपनिषत् ॥
atha paramahaṃsā nāma saṃvartakāruṇiśvetaketujaḍabharatadattātreyaśukavāmadevahārītaka-prabhṛtayo'ṣṭau grāsāṃścaranto yogamārge mokṣameva prārthayante । vṛkṣamūle śunyagṛhe śmaśānavāsino vā sāmbarā vā digambarā vā । na teṣāṃ dharmādharmau lābhālābhau śuddhāśuddhau dvaitavarjitā samaloṣṭāśma-kāñcanāḥ sarvavarṇeṣu bhaikṣācaraṇaṃ kṛtvā sarvatrātmaiveti paśyanti । atha jātarūpadharā nirdvandvā niṣparigrahāḥ śukladhyānaparāyaṇā ātmaniṣṭhāḥ prāṇasaṃdhāraṇārthaṃ yathoktakāle bhaikṣamācarantaḥ । śūnyāgāradevagṛhatṛṇakūṭa valmīkavṛkṣamūlakulālaśālāgnihotraśālānadīpulinagirikandara-kuharakoṭaranirjharasthaṇḍile tatra brahmamārge samyaksaṃpannāḥ śuddhamānasāḥ paramahaṃsācaraṇena saṃnyāsena dehatyāgaṃ kurvanti te paramahaṃsā nāmetyupaniṣat ॥
Now, the Paramahamsas, such as Saṃvarta, Kāruṇi, Śvetaketu, Jaḍabharata, Dattātreya, Śuka, Vāmadeva, Hārītaka, and others, subsisting on eight mouthfuls of food, pray only for liberation on the path of Yoga. They may dwell at the foot of a tree, in an empty house, or in a cremation ground, either clothed or nude. For them, there is no merit or demerit, gain or loss, purity or impurity; free from dualities, they regard a clod of earth, a stone, and gold as equal. Having begged for alms from all castes, they perceive the Self alone everywhere. Further, appearing in their natural form, free from dualities and possessions, devoted to pure contemplation and firm in the Self, they practice begging for alms at the prescribed time for the mere sustenance of life. In an empty house, a temple, a haystack, an anthill, at the foot of a tree, a potter's shed, a fire-sacrificer's shed, a riverbank, a mountain cave, a hole, a hollow, a waterfall, or an open ground—in such places, being perfectly established on the path of Brahman and with purified minds, they cast off the body through the Paramahamsa conduct of renunciation. Such are called Paramahamsas. This is the Upanishad.
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Upanishads reader's guide · Vedantic glossary (Atman, Brahman, Karma, Dharma, Moksha) · All chapters of Upanishads