Taittiriya (Ananda-Bhrgu) Upanishad, Verse 9
Taittiriya (Ananda-Bhrgu) Upanishad (TaittirīyaUpaniṣad—Ānanda-vallī&Bhṛgu-vallī)
Verse 9
भीषाऽस्माद्वातः पवते। भीषोदेति सूर्यः।भीषाऽस्मादग्निश्चेन्द्रश्च। मृत्युर्धावति पञ्चम इति।सैषाऽऽनन्दस्य मीमांसा भवति।युवा स्यात्साधुयुवाऽध्यायकः। आशिष्ठो दृढिष्ठो बलिष्ठः। तस्येयं पृथिवी सर्वा वित्तस्य पूर्णा स्यात्। स एको मानुष आनन्दाः। ते ये शतं मानुषा आनन्दाः। स एको मनुष्यगन्धर्वाणामानन्दः। श्रोत्रियस्य चाकामहतस्य।ते ये शतं मनुष्यगन्धर्वाणामानन्दाः।स एको देवगन्धर्वाणामानन्दः। श्रोत्रियस्य चाकामहतस्य।ते ये शतं देवगन्धर्वाणामानन्दाः।स एकः पितृणां चिरलोकलोकानामानन्दः।श्रोत्रियस्य चाकामहतस्य। ते ये शतं पितृणां चिरलोकलोकानामानन्दाः।स एकः आजानजानां देवानामानन्दः। श्रोत्रियस्य चाकामहतस्य।ते ये शतम् आजानजानां देवानामानन्दाः।स एकः कर्मदेवानां देवानामानन्दः। ये कर्मणा देवानपियन्ति। श्रोत्रियस्य चाकामहतस्य।ते ये शतं कर्मदेवानां देवानामानन्दाः। स एको देवानामानन्दः। श्रोत्रियस्य चाकामहतस्य।ते ये शतं देवानामानन्दाः। स एक इन्द्रस्यानन्दः। श्रोत्रियस्य चाकामहतस्य। ते ये शतमिन्द्रस्यानन्दाः।स एको बृहस्पतेरानन्दः। श्रोत्रियस्य चाकामहतस्य।ते ये शतं बृहस्पतेरानन्दाः। स एकः प्रजापतेरानन्दः।श्रोत्रियस्य चाकामहतस्य। ते ये शतं प्रजापतेरानन्दाः।स एको ब्रह्मण आनन्दः। श्रोत्रियस्य चाकामहतस्य॥ स यश्चायं पुरुषे। यश्चासावादित्ये। स एकः।स य एवंवित्। अस्माल्लोकात्प्रेत्य। एतमन्नमयमात्मानमुपसङ्क्रामति।एतं प्राणमयमात्मानमुपसङ्क्रामति। एतं मनोमयमात्मानमुपसङ्क्रामति।एतं विज्ञानमयमात्मानमुपसङ्क्रामति। एतमानन्दमयमात्मानमुपसङ्क्रामति।तदप्येष श्लोको भवति॥
bhīṣā'smādvātaḥ pavate | bhīṣodeti sūryaḥ |bhīṣā'smādagniścendraśca | mṛtyurdhāvati pañcama iti |saiṣā''nandasya mīmāṁsā bhavati |yuvā syātsādhuyuvā'dhyāyakaḥ| āśiṣṭho dṛḍhiṣṭho baliṣṭhaḥ | tasyeyaṁ pṛthivī sarvā vittasya pūrṇā syāt| sa eko mānuṣa ānandāḥ | te ye śataṁ mānuṣā ānandāḥ| sa eko manuṣyagandharvāṇāmānandaḥ | śrotriyasya cākāmahatasya |te ye śataṁ manuṣyagandharvāṇāmānandāḥ |sa eko devagandharvāṇāmānandaḥ | śrotriyasya cākāmahatasya |te ye śataṁ devagandharvāṇāmānandāḥ |sa ekaḥ pitṛṇāṁ ciralokalokānāmānandaḥ |śrotriyasya cākāmahatasya | te ye śataṁ pitṛṇāṁ ciralokalokānāmānandāḥ |sa ekaḥ ājānajānāṁ devānāmānandaḥ| śrotriyasya cākāmahatasya |te ye śatam ājānajānāṁ devānāmānandāḥ |sa ekaḥ karmadevānāṁ devānāmānandaḥ | ye karmaṇā devānapiyanti | śrotriyasya cākāmahatasya |te ye śataṁ karmadevānāṁ devānāmānandāḥ | sa eko devānāmānandaḥ | śrotriyasya cākāmahatasya |te ye śataṁ devānāmānandāḥ | sa eka indrasyānandaḥ| śrotriyasya cākāmahatasya | te ye śatamindrasyānandāḥ |sa eko bṛhaspaterānandaḥ | śrotriyasya cākāmahatasya |te ye śataṁ bṛhaspaterānandāḥ | sa ekaḥ prajāpaterānandaḥ |śrotriyasya cākāmahatasya | te ye śataṁ prajāpaterānandāḥ |sa eko brahmaṇa ānandaḥ | śrotriyasya cākāmahatasya|| sa yaścāyaṁ puruṣe | yaścāsāvāditye |sa ekaḥ |sa ya evaṁvit | asmāllokātpretya | etamannamayamātmānamupasaṅkrāmati |etaṁ prāṇamayamātmānamupasaṅkrāmati | etaṁ manomayamātmānamupasaṅkrāmati |etaṁ vijñānamayamātmānamupasaṅkrāmati | etamānandamayamātmānamupasaṅkrāmati |tadapyeṣa śloko bhavati||
From fear of Him the wind blows. From fear of Him the sun rises. From fear of Him fire and Indra, and Death, the fifth, run. This is the inquiry into bliss. Let there be a youth, a good youth, learned, swiftest, firmest, strongest; let this entire earth be full of wealth for him. That is one human bliss. A hundred such human blisses make one bliss of human Gandharvas. And of a Srotriya (one learned in the Vedas) who is not smitten by desire. A hundred such blisses of human Gandharvas make one bliss of divine Gandharvas. And of a Srotriya who is not smitten by desire. A hundred such blisses of divine Gandharvas make one bliss of the ancestors who dwell in their eternal worlds. And of a Srotriya who is not smitten by desire. A hundred such blisses of ancestors who dwell in their eternal worlds make one bliss of the gods born by birth. And of a Srotriya who is not smitten by desire. A hundred such blisses of the gods born by birth make one bliss of the gods by action, who reach the gods through their actions. And of a Srotriya who is not smitten by desire. A hundred such blisses of the gods by action make one bliss of the gods (in general). And of a Srotriya who is not smitten by desire. A hundred such blisses of the gods make one bliss of Indra. And of a Srotriya who is not smitten by desire. A hundred such blisses of Indra make one bliss of Brihaspati. And of a Srotriya who is not smitten by desire. A hundred such blisses of Brihaspati make one bliss of Prajapati. And of a Srotriya who is not smitten by desire. A hundred such blisses of Prajapati make one bliss of Brahman. And of a Srotriya who is not smitten by desire. He who is in this person, and He who is in yonder sun, He is one. He who knows this, departing from this world, approaches this self made of food; approaches this self made of vital breath; approaches this self made of mind; approaches this self made of intellect; approaches this self made of bliss. There is also this verse about it.
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Upanishads reader's guide · Vedantic glossary (Atman, Brahman, Karma, Dharma, Moksha) · All chapters of Upanishads