Bhavan Upanishad, Verse 3
Bhavan Upanishad (BhavanUpanishad)
Verse 3
सलिलमिति सौहित्यकारणं सत्त्वं । कर्तव्यमकर्तव्यमिति भावनायुक्त उपचारः। अस्ति नास्तीति कर्तव्यता उपचारः। बाह्याभ्यन्त:करणानां रूपग्रहणयोग्यताऽस्त्वित्यावाहनम्। तस्य वाह्याभ्यन्तःकरणानामेकरूपविषयग्रहणमासनम्। रक्तशुक्लपदैकीकरणं पाद्यम्। उज्ज्वलदा-मोदानन्दासनदानमर्घ्यम्। स्वच्छं स्वत:सिद्धमित्याचमनीयम्। चिच्चन्द्रमयीति सर्वाङ्गस्त्रवणं स्नानम्। चिदग्निस्वरूपपरमानन्दशक्तिस्फुरणं वस्त्रम्। प्रत्येकं सप्तविंशतिधा भिन्नत्वेनेच्छाज्ञान-क्रियात्मकब्रह्मग्रन्थिमद्रसतन्तुब्रह्मनाडी ब्रह्मसूत्रम्। स्वव्यतिरिक्तवस्तुसङ्गरहितस्मरणं विभूषणम्। स्वच्छस्वपरिपूर्णतास्मरणं गन्धः । समस्तविषयाणां मनसः स्थैर्येणानुसंधानं कुसुमम् । तेषामेव सर्वदा स्वीकरणं धूपः । पवनावच्छिन्नोर्ध्वग्वलनसच्चिदुल्काकाशदेहो दीपः । समस्तयाताया-तवर्ज्यं नैवेद्यम् । अवस्थात्रयाणामेकीकरणं ताम्बूलम्। मूलाधारादाब्रह्मरन्ध्रपर्यन्तं ब्रह्मरन्ध्रादा-मूलाधारपर्यन्तं गतागतरूपेण प्रादक्षिण्यम्। तुर्यावस्था नमस्कारः । देहशून्यप्रमातृतानिमज्जनं बलिहरणम्। सत्यमस्ति कर्तव्यमकर्तव्यमौदासीन्यनित्यात्मविलापनं होमः। स्वयं तत्पादुका-निमज्जनं परिपूर्णध्यानम्॥
salilamiti sauhityakāraṇaṃ sattvaṃ । kartavyamakartavyamiti bhāvanāyukta upacāraḥ। asti nāstīti kartavyatā upacāraḥ। bāhyābhyanta:karaṇānāṃ rūpagrahaṇayogyatā'stvityāvāhanam। tasya vāhyābhyantaḥkaraṇānāmekarūpaviṣayagrahaṇamāsanam। raktaśuklapadaikīkaraṇaṃ pādyam। ujjvaladā-modānandāsanadānamarghyam। svacchaṃ svata:siddhamityācamanīyam। ciccandramayīti sarvāṅgastravaṇaṃ snānam। cidagnisvarūpaparamānandaśaktisphuraṇaṃ vastram। pratyekaṃ saptaviṃśatidhā bhinnatvenecchājñāna-kriyātmakabrahmagranthimadrasatantubrahmanāḍī brahmasūtram। svavyatiriktavastusaṅgarahitasmaraṇaṃ vibhūṣaṇam। svacchasvaparipūrṇatāsmaraṇaṃ gandhaḥ । samastaviṣayāṇāṃ manasaḥ sthairyeṇānusaṃdhānaṃ kusumam । teṣāmeva sarvadā svīkaraṇaṃ dhūpaḥ । pavanāvacchinnordhvagvalanasaccidulkākāśadeho dīpaḥ । samastayātāyā-tavarjyaṃ naivedyam । avasthātrayāṇāmekīkaraṇaṃ tāmbūlam। mūlādhārādābrahmarandhraparyantaṃ brahmarandhrādā-mūlādhāraparyantaṃ gatāgatarūpeṇa prādakṣiṇyam। turyāvasthā namaskāraḥ । dehaśūnyapramātṛtānimajjanaṃ baliharaṇam। satyamasti kartavyamakartavyamaudāsīnyanityātmavilāpanaṃ homaḥ। svayaṃ tatpādukā-nimajjanaṃ paripūrṇadhyānam॥
‘Water’ (salila) is the essence (sattva) that causes satisfaction. The offering (upacāra) is endowed with the sentiment of ‘what should be done’ and ‘what should not be done’. The offering is the duty of ‘is’ and ‘is not’. The invocation (āvāhanam) is the desire for the external and internal organs to possess the capacity to grasp forms. The seat (āsanam) is the grasping of a single form of object by those external and internal organs. The foot-wash (pādyam) is the unification of the red and white principles. The offering (arghyam) is the giving of the seat of shining, delightful bliss. The sipping water (ācamanīyam) is the thought: ‘pure, self-perfected’. The bathing (snānam) is the streaming over all limbs with the thought: ‘consciousness is moon-like’. The garment (vastram) is the manifestation of the supreme bliss-power, which is the nature of the fire of consciousness. The Brahma-thread (brahmasūtram) is the Brahma-nadi, a juice-thread possessing the Brahma-knot, consisting of will, knowledge, and action, differentiated in twenty-seven ways, each one. The ornament (vibhūṣaṇam) is the remembrance free from attachment to objects other than oneself. The fragrance (gandha) is the remembrance of one's own pure perfection. The flower (kusumam) is the investigation of all objects with mental steadfastness. The incense (dhūpa) is the constant acceptance of those very things. The lamp (dīpa) is the body of the consciousness-fire, a meteor in the sky, burning upwards, uninterrupted by wind. The offering (naivedyam) is freedom from all coming and going. The betel leaf (tāmbūlam) is the unification of the three states (waking, dream, deep sleep). The circumambulation (pradakṣiṇam) is in the form of going from the Muladhara up to the Brahmarandhra and from the Brahmarandhra down to the Muladhara. The salutation (namaskāra) is the Turiya state. The offering of sacrifice (baliharaṇam) is the immersion in the state of being a knower free from the body. The oblation (homa) is the dissolution of the eternal Self into the indifference of 'truth exists', 'to be done', 'not to be done'. The perfect meditation (paripūrṇadhyānam) is the immersion in one's own sandals (or 'refuge').
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Upanishads reader's guide · Vedantic glossary (Atman, Brahman, Karma, Dharma, Moksha) · All chapters of Upanishads