The Wisdom of Bhairava

॥ विज्ञान भैरव॥ श्री देव्युवाच। श्रुतं देव मया सर्वं रुद्रयामलसम्भवम्। त्रिकभेदमशेषेण सारात्सारविभागशः॥ १॥

śrutaṁdeva mayā sarvaṁrudrayāmala sambhavam | trika bhedam aśeṣeṇa sārāt sāra vibhāgaśaḥ || 1 ||

अद्यापि न निवृत्तो मे संशयः परमेश्वर। किं रूपं तत्त्वतो देव शब्दराशिकलामयम्॥ २॥

adyāpi na nivṛtto me saṁśayaḥparameśvara | kiṁrūpaṁtattvato deva śabda rāśi kalā mayam || 2 ||

किं वा नवात्मभेदेन भैरवे भैरवाकृतौ। त्रिशिरोभेदभिन्नं वा किं वा शक्तित्रयात्मकम्॥ ३॥

kiṁvā navātma bhedena bhairave bhairavākṛtau | triśirobheda bhinnaṁvā kiṁvā śakti trayātmakam || 3 ||

नादबिन्दुमयं वापि किं चन्द्रार्धनिरोधिकाः। चक्रारूढमनच्कं वा किं वा शक्तिस्वरूपकम्॥ ४॥

nāda bindu mayaṁvāpi kiṁcandrārdha nirodhikāḥ | cakrārūḍham anackaṁvā kiṁvā śakti svarūpakam || 4 ||

परापरायाः सकलमपरायाश्च वा पुनः। पराया यदि तद्वत्स्यात्परत्वं तद् विरुध्यते॥ ५॥

parāparāyāḥsakalama parāyāśca vā punaḥ | parāyā yadi tad vatsyāt paratvaṁtad virudhyate || 5 ||

न हि वर्णविभेदेन देहभेदेन वा भवेत्। परत्वं निष्कलत्वेन सकलत्वे न तद् भवेत्॥ ६॥

na hi varṇa vibhedena dehabhedena vā bhavet | paratvaṁniṣkalatvena sakalatve na tad bhavet || 6 ||

प्रसादं कुरु मे नाथ निःशेषं चिन्द्धि संशयम्। भैरव उवाच। साधु साधु त्वया पृष्टं तन्त्रसारम् इदम् प्रिये॥ ७॥

sādhu sādhu tvayā pṛṣṭaṁtantra sāram idam priye || 7 ||

गूहनीयतमम् भद्रे तथापि कथयामि ते। यत्किञ्चित्सकलं रूपं भैरवस्य प्रकीर्तितम्॥ ८॥

gūha nīyatamam bhadre tathāpi kathayāmi te | yat kiñcit sakalaṁrūpaṁbhairavasya prakīrtitam || 8 ||

तद् असारतया देवि विज्ञेयं शक्रजालवत्। मायास्वप्नोपमं चैव गन्धर्वनगरभ्रमम्॥ ९॥

tad asāra tayā devi vijñeyaṁśakra jālavat | māyā svapnopamaṁcaiva gandharva nagara bhramam || 9 ||

ध्यानार्थम् भ्रान्तबुद्धीनां क्रियाडम्बरवर्तिनाम्। केवलं वर्णितम् पुंसां विकल्पनिहतात्मनाम्॥ १०॥

dhyānārtham bhrānta buddhīnāṁkriyāḍambara vartinām | kevalaṁvarṇitam puṁsāṁvikalpa nihatātmanām || 10 ||