Yogachudamani Upanishad, Verse 72
Yogachudamani Upanishad (YogachudamaniUpanishad)
Verse 72
ॐ नित्यं शुद्धं बुद्धं निर्विकल्पं निरञ्जनं निराख्यातमनादिनिधनमेकं तुरीयं यद्भूतं भवद्भविष्यत् परिवर्तमानं सर्वदाऽनवच्छिन्नं परं ब्रह्म तस्माज्जाता परा शक्तिः स्वयंज्योतिरा-त्मिका। आत्मन आकाशः संभूतः। आकाशाद्वायुः । वायोरग्निः । अग्नेरापः। अद्भयः पृथिवी। एतेषां पञ्चभूतानां पतयः पञ्च सदाशिवेश्वररुद्रविष्णुब्रह्माणश्चेति। तेषां ब्रह्मविष्णुरुद्राश्चोत्पत्ति-स्थितिलयकर्तारः। राजसो ब्रह्मा सात्त्विको विष्णुस्तामसो रुद्र इति एते त्रयो गुणयुक्ताः। ब्रह्मा देवानां प्रथमः संबभूव। धाता च सृष्टौ विष्णुश्च स्थितौ रुद्रश्च नाशे भोगाय चेन्द्रः प्रथमजा बभूवुः। एतेषां ब्रह्मणो लोका देवतिर्यङ्नरस्थावराश्च जायन्ते । तेषां मनुष्यादीनां पञ्चभूतसम-वायः शरीरम्। ज्ञानकर्मेन्द्रियैर्ज्ञानविषयैः प्राणादिपञ्चवायुमनोबुद्धिचित्ताहंकारैः स्थूलकल्पितैः सोऽपि स्थूलप्रकृतिरित्युच्यते। ज्ञानकर्मेन्द्रियैर्ज्ञानविषयैः प्राणादिपञ्चवायुमनोबुद्धिभिश्च सूक्ष्मस्थोऽपि लिङ्गमेवेत्युच्यते। गुणत्रययुक्तं कारणम्। सर्वेषामेवं त्रीणि शरीराणि वर्तन्ते । जाग्रत्स्वप्नसुषुप्तितुरीयाश्चेत्यवस्थाश्चतस्त्रः तासामवस्थानामधिपतयश्चत्वारः पुरुषा विश्वतैजस-प्राज्ञात्मानश्चेति। विश्वो हि स्थूलभुङ्नित्यं तैजसः प्रविविक्तभुक् । आनन्दभुक्तथा प्राज्ञः सर्वसा-क्षीत्यतः परः ॥
oṃ nityaṃ śuddhaṃ buddhaṃ nirvikalpaṃ nirañjanaṃ nirākhyātamanādinidhanamekaṃ turīyaṃ yadbhūtaṃ bhavadbhaviṣyat parivartamānaṃ sarvadā'navacchinnaṃ paraṃ brahma tasmājjātā parā śaktiḥ svayaṃjyotirā-tmikā। ātmana ākāśaḥ saṃbhūtaḥ। ākāśādvāyuḥ । vāyoragniḥ । agnerāpaḥ। adbhayaḥ pṛthivī। eteṣāṃ pañcabhūtānāṃ patayaḥ pañca sadāśiveśvararudraviṣṇubrahmāṇaśceti। teṣāṃ brahmaviṣṇurudrāścotpatti-sthitilayakartāraḥ। rājaso brahmā sāttviko viṣṇustāmaso rudra iti ete trayo guṇayuktāḥ। brahmā devānāṃ prathamaḥ saṃbabhūva। dhātā ca sṛṣṭau viṣṇuśca sthitau rudraśca nāśe bhogāya cendraḥ prathamajā babhūvuḥ। eteṣāṃ brahmaṇo lokā devatiryaṅnarasthāvarāśca jāyante । teṣāṃ manuṣyādīnāṃ pañcabhūtasama-vāyaḥ śarīram। jñānakarmendriyairjñānaviṣayaiḥ prāṇādipañcavāyumanobuddhicittāhaṃkāraiḥ sthūlakalpitaiḥ so'pi sthūlaprakṛtirityucyate। jñānakarmendriyairjñānaviṣayaiḥ prāṇādipañcavāyumanobuddhibhiśca sūkṣmastho'pi liṅgamevetyucyate। guṇatrayayuktaṃ kāraṇam। sarveṣāmevaṃ trīṇi śarīrāṇi vartante । jāgratsvapnasuṣuptiturīyāścetyavasthāścatastraḥ tāsāmavasthānāmadhipatayaścatvāraḥ puruṣā viśvataijasa-prājñātmānaśceti। viśvo hi sthūlabhuṅnityaṃ taijasaḥ praviviktabhuk । ānandabhuktathā prājñaḥ sarvasā-kṣītyataḥ paraḥ ॥
Om. That which is eternal, pure, enlightened, devoid of mental constructs, untainted, indescribable, without beginning or end, one, the fourth state (Turīya), which is the past, present, and future, ever-changing, always undivided – that is the Supreme Brahman. From it arose the Supreme Power (Parā Śakti), which is self-effulgent and of the nature of the Self. From the Self, space originated; from space, air; from air, fire; from fire, water; from water, earth. The lords of these five elements are the five: Sadāśiva, Īśvara, Rudra, Viṣṇu, and Brahmā. Among them, Brahmā, Viṣṇu, and Rudra are the creators, preservers, and destroyers (respectively). Brahmā is Rājasa (active), Viṣṇu is Sāttvika (pure), Rudra is Tāmasa (inert); these three are endowed with qualities (guṇas). Brahmā was the first among the gods to be born. Brahmā (the creator) for creation, Viṣṇu for preservation, Rudra for destruction, and Indra for enjoyment – these were the first-born. From this Brahman, the realms of gods, animals, humans, and immovable beings are born. For humans and others, the aggregate of the five elements is the body. With the organs of perception and action, objects of knowledge, the five prāṇas (vital airs) and others, mind, intellect, consciousness, and ego – considered gross – this is called the gross nature. And with the organs of perception and action, objects of knowledge, the five prāṇas and others, mind, and intellect – existing in a subtle form – this is called the subtle body (liṅga-śarīra). That which is endowed with the three guṇas is the causal body (kāraṇa-śarīra). Thus, for all beings, there are three bodies. And there are four states: waking, dreaming, deep sleep, and the fourth (Turīya). The lords of these states are four aspects of the Self (Purūṣas): Viśva, Taijasa, Prājña, and Ātman. Viśva verily is the constant enjoyer of the gross (experiences); Taijasa is the enjoyer of the subtle (or solitary/internal experiences). And Prājña is the enjoyer of bliss (or ignorance); beyond them is the Fourth (Turīya), the all-witness.
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Upanishads reader's guide · Vedantic glossary (Atman, Brahman, Karma, Dharma, Moksha) · All chapters of Upanishads