Kaushītaki brāhmaṇopaniṣad Upanishad, Verse 25
Kaushītaki brāhmaṇopaniṣad (kauṣītaki_brāhmaṇopaniṣad)
Verse 25
स यदाऽस्माच्छरीरादुत्क्रामति सहैवैतैः सर्वैरुत्क्रामति वागस्मात्सर्वाणि नामान्यभिवि सृजते । वाचा सर्वाणि नामान्याप्नोति प्राणोऽस्मात्सर्वान्गन्धानभिविसृजते प्राणेन सर्वान्गन्धानाप्नोति चक्षुरस्मात्सर्वाणि रूपाण्यभिविसृजते चक्षुषा सर्वाणि रूपाण्याप्नोति श्रोत्रमस्मात्सर्वाञ्श-ब्दानभिविसृजते श्रोत्रेण सर्वाञ्शब्दानाप्नोति मनोऽस्मात्सर्वाणि ध्यानान्यभिविसृजते मनसा सर्वाणि ध्यानान्याप्नोति सैषा प्राणे सर्वाप्तिः। यो वै प्राणः सा प्रज्ञा या वा प्रज्ञा से प्राणः सह ह्येतावस्मिञ्शरीरे वसतः सहोक्रामतः। अथ खलु यथाऽस्यै प्रज्ञायै सर्वाणि भूतान्येकं भवन्ति तद्व्याख्यास्यामः॥
sa yadā'smāccharīrādutkrāmati sahaivaitaiḥ sarvairutkrāmati vāgasmātsarvāṇi nāmānyabhivi sṛjate । vācā sarvāṇi nāmānyāpnoti prāṇo'smātsarvāngandhānabhivisṛjate prāṇena sarvāngandhānāpnoti cakṣurasmātsarvāṇi rūpāṇyabhivisṛjate cakṣuṣā sarvāṇi rūpāṇyāpnoti śrotramasmātsarvāñśa-bdānabhivisṛjate śrotreṇa sarvāñśabdānāpnoti mano'smātsarvāṇi dhyānānyabhivisṛjate manasā sarvāṇi dhyānānyāpnoti saiṣā prāṇe sarvāptiḥ। yo vai prāṇaḥ sā prajñā yā vā prajñā se prāṇaḥ saha hyetāvasmiñśarīre vasataḥ sahokrāmataḥ। atha khalu yathā'syai prajñāyai sarvāṇi bhūtānyekaṃ bhavanti tadvyākhyāsyāmaḥ॥
When it (the conscious self) goes forth from this body, it goes forth together with all these (faculties). Speech manifests all names from it; through speech, one obtains all names. Prāṇa (the faculty of smell) manifests all odours from it; through Prāṇa, one obtains all odours. The eye manifests all forms from it; through the eye, one obtains all forms. The ear manifests all sounds from it; through the ear, one obtains all sounds. The mind manifests all thoughts from it; through the mind, one obtains all thoughts. This is the complete attainment in Prāṇa (the vital principle). Indeed, what is Prāṇa is Prajñā (consciousness), and what is Prajñā is Prāṇa. For these two dwell together in this body and depart together. Now, we shall explain how all beings become one for this Prajñā.
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Upanishads reader's guide · Vedantic glossary (Atman, Brahman, Karma, Dharma, Moksha) · All chapters of Upanishads