Brihadaranyaka Upanishad Chapter 4, Verse 4
The Yoga of Self-Knowledge (Ātma-Vidya Yoga)
Verse 4
यदेव ते कश्चिदब्रवीत्तच्छृणवामेति । अब्रवीन्मे बर्कुर्वार्ष्णः । चक्षुर्वै ब्रह्मेति । यथा मातृमान् पितृमानाचार्यवान् ब्रूयात्तथा तद्वार्ष्णोऽब्रवीच्चक्षुर्वै ब्रह्मेति । अपश्यतो हि किं स्यादिति । अब्रवीत्तु ते तस्यायतनं प्रतिष्ठाम् । न मेऽब्रवीदिति । एकपाद्वा एतत्सम्राडिति । स वै नो ब्रूहि याज्ञवल्क्य । चक्षुरेवायतनमाकाशः प्रतिष्ठा । सत्यमित्येतदुपासीत । का सत्यता याज्ञवल्क्य । चक्षुरेव सम्राडिति होवाच । चक्षुषा वै सम्राट्पश्यन्तमाहुरद्राक्षीरिति । स आहाद्राक्षमिति तत्सत्यं भवति । चक्षुर्वै सम्राट्परमं ब्रह्म । नैनं चक्षुर्जहाति । सर्वाण्येनं भूतान्यभिक्षरन्ति । देवो भूत्वा देवानप्येति । य एवं विद्वानेतदुपास्ते । हस्त्यृषभं सहस्रं ददामीति होवाच जनको वैदेहः । स होवाच याज्ञवल्क्यः पिता मेऽमन्यत नाननुशिष्य हरेतेति ॥ ४,१.४ ॥
yadeva te kaścidabravīttacchṛṇavāmeti | abravīnme barkurvārṣṇaḥ | cakṣurvai brahmeti | yathā mātṛmān pitṛmānācāryavān brūyāttathā tadvārṣṇo'bravīccakṣurvai brahmeti | apaśyato hi kiṃ syāditi | abravīttu te tasyāyatanaṃ pratiṣṭhām | na me'bravīditi | ekapādvā etatsamrāḍiti | sa vai no brūhi yājñavalkya | cakṣurevāyatanamākāśaḥ pratiṣṭhā | satyamityetadupāsīta | kā satyatā yājñavalkya | cakṣureva samrāḍiti hovāca | cakṣuṣā vai samrāṭpaśyantamāhuradrākṣīriti | sa āhādrākṣamiti tatsatyaṃ bhavati | cakṣurvai samrāṭparamaṃ brahma | nainaṃ cakṣurjahāti | sarvāṇyenaṃ bhūtānyabhikṣaranti | devo bhūtvā devānapyeti | ya evaṃ vidvānetadupāste | hastyṛṣabhaṃ sahasraṃ dadāmīti hovāca janako vaidehaḥ | sa hovāca yājñavalkyaḥ pitā me'manyata nānanuśiṣya hareteti
'Let us hear what anyone may have told you.' 'Barku, the son of Varṣṇa, told me that the eye is Brahman.' 'As one who has a mother, father, and teacher would say, so did the son of Varṣṇa say that the eye is Brahman; for what could a person have who cannot see? But did he tell you its abode and support?' 'He did not tell me.' 'This Brahman, O Emperor, is only one-footed.' 'Then do tell us, Yājñavalkya.' 'The eye itself is its abode, and space is its support. One should meditate upon it as Truth.' 'What is truthfulness, Yājñavalkya?' 'The eye itself, O Emperor,' he said. 'For when they ask a person who sees with his eye, "Have you seen?", and he answers, "I have seen", that becomes the truth. The eye, O Emperor, is the Supreme Brahman. The eye never leaves him who knows this and meditates upon it thus; all beings bring tribute to him; and becoming a deity, he goes to the deities.' 'I give you a thousand cows with a bull as large as an elephant,' said Janaka, Emperor of Videha. Yājñavalkya replied, 'My father was of the opinion that one should not accept wealth without fully instructing the student.'
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Vedantic glossary (Atman, Brahman, Karma, Dharma, Moksha) · All chapters of Brihadaranyaka Upanishad