Brihadaranyaka Upanishad Chapter 4, Verse 7
The Yoga of Self-Knowledge (Ātma-Vidya Yoga)
Verse 7
यदेव ते कश्चिदब्रवीत्तच्छृणवामेति । अब्रवीन्मे विदग्धः शाकल्यः । हृदयं वै ब्रह्मेति । यथा मातृमान् पितृमानाचार्यवान् ब्रूयात्तथा तच्छाकल्योऽब्रवीद्धृदयं वै ब्रह्मेति । अहृदयस्य हि किं स्यादिति । अब्रवीत्तु ते तस्यायतनं प्रतिष्ठाम् । न मेऽब्रवीदिति । एकपाद्वा एतत्सम्राडिति । स वै नो ब्रूहि याज्ञवल्क्य । हृदयमेवायतनमाकाशः प्रतिष्ठा । स्थितिरित्येनदुपासीत । का स्थितिता याज्ञवल्क्य । हृदयमेव सम्राडिति होवाच । हृदयं वै सम्राट्सर्वेषां भूतानामायतनम् । हृदयं वै सम्राट्सर्वेषां भूतानां प्रतिष्ठा । हृदये ह्येव सम्राट्सर्वाणि भूतानि प्रतिष्ठितानि भवन्ति । हृदयं वै सम्राट्परमं ब्रह्म । नैनं हृदयं जहाति । सर्वाण्येनं भूतान्यभिक्षरन्ति । देवो भूत्वा देवानप्येति । य एवं विद्वानेतदुपास्ते । हस्त्यृषभं सहस्रं ददामीति होवाच जनको वैदेहः । स होवाच याज्ञवल्क्यः पिता मेऽमन्यत नाननुशिष्य हरेतेति ॥ ४,१.७ ॥
yadeva te kaścidabravīttacchṛṇavāmeti | abravīnme vidagdhaḥ śākalyaḥ | hṛdayaṁ vai brahmeti | yathā mātṛmān pitṛmānācāryavān brūyāttathā tacchākalyo'bravīddhṛdayaṁ vai brahmeti | ahṛdayasya hi kiṁ syāditi | abravīttu te tasyāyatanaṁ pratiṣṭhām | na me'bravīditi | ekapādvā etatsamrāḍiti | sa vai no brūhi yājñavalkya | hṛdayamevāyatanamākāśaḥ pratiṣṭhā | sthitirityenadupāsīta | kā sthititā yājñavalkya | hṛdayameva samrāḍiti hovāca | hṛdayaṁ vai samrāṭsarveṣāṁ bhūtānāmāyatanam | hṛdayaṁ vai samrāṭsarveṣāṁ bhūtānāṁ pratiṣṭhā | hṛdaye hyeva samrāṭsarvāṇi bhūtāni pratiṣṭhitāni bhavanti | hṛdayaṁ vai samrāṭparamaṁ brahma | nainaṁ hṛdayaṁ jahāti | sarvāṇyenaṁ bhūtānyabhikṣaranti | devo bhūtvā devānapyeti | ya evaṁ vidvānetadupāste | hastyṛṣabhaṁ sahasraṁ dadāmīti hovāca janako vaidehaḥ | sa hovāca yājñavalkyaḥ pitā me'manyata nānanuśiṣya hareteti ||
Yajnavalkya said: 'Let us hear what anyone may have told you.' Janaka said: 'Vidagdha Shakalya told me that the Heart is Brahman.' Yajnavalkya replied: 'As anyone who has had a mother, father, and teacher would say, so Shakalya said that the heart is Brahman; for what could a heartless person have? But did he tell you its abode and support?' Janaka: 'No, he did not.' Yajnavalkya: 'This Brahman is only one-footed, O Emperor.' Janaka: 'Then tell us, Yajnavalkya.' Yajnavalkya: 'The heart itself is its abode, and space (akasha) is its support. One should meditate on it as steadfastness (sthiti).' Janaka: 'What is that steadfastness, Yajnavalkya?' Yajnavalkya: 'The heart itself, O Emperor. The heart is the abode of all beings, and the heart is the support of all beings; in the heart alone, O Emperor, all beings rest. The heart indeed, O Emperor, is the Supreme Brahman. The heart never deserts him who knows this and meditates upon it; all beings bring offerings to him; becoming a deity, he goes to the deities.' Janaka, Emperor of Videha, said: 'I give you a thousand cows with a bull as large as an elephant.' Yajnavalkya said: 'My father was of the opinion that one should not accept a reward without fully instructing the disciple.'
Sanskrit text, transliteration and translation form the scripture layer. Explanations and the 3-Lens Guide are AI-assisted study aids. How we source and translate texts
Further study: Vedantic glossary (Atman, Brahman, Karma, Dharma, Moksha) · All chapters of Brihadaranyaka Upanishad